దంతాలపల్లి ఆగస్టు 13 జనం సాక్షి

భారత స్వతంత్ర వజ్రోత్సవాల సందర్భంగా పోలీస్ శాఖ ఆధ్వర్యంలో శనివారం నిర్వహించిన వజ్రోత్సవ ర్యాలీలో వందలాదిమంది విద్యార్థులు,యువకులు, ప్రజాప్రతినిధులు, అధికారులు పాల్గొని విజయవంతంగా నిర్వహించారు.ఈ సందర్భంగా అన్ని శాఖల అధికారులను,ప్రజా ప్రతినిధులను, విద్యార్థులను, యువకులను సమన్వయం చేసిన స్థానిక ఎస్సై కే జగదీష్ మాట్లాడుతూ… స్వతంత్ర భారత వజ్రోత్సవాలలో భాగంగా పోలీస్ శాఖ పిలుపును అందుకొని వచ్చిన ప్రతి ఒక్కరికి పేరుపేరునా కృతజ్ఞతలు తెలిపారు. ఎందరో మహానుభావుల త్యాగఫలంతో వచ్చిన స్వతంత్రాన్ని ప్రతి ఒక్కరూ గుర్తుంచుకొని భావితరాలకు స్ఫూర్తిగా నిలవాలని కోరారు. మండల కేంద్రంలోని మహాత్మా జ్యోతిబాపూలే ఆశ్రమ పాఠశాల నుండి జిల్లా పరిషత్ ఉన్నత పాఠశాల వరకు త్రివర్ణ పతాకాలు చేత పట్టి ర్యాలీ నిర్వహించారు. ఈ సందర్భంగా విద్యార్థులు యువకులు జై జవాన్,జై కిసాన్ నినాదాలతో మార్మోగించారు. ఈ కార్యక్రమంలో స్థానిక ఎంపీపీ వలాద్రి ఉమా,స్థానిక తహసిల్దార్ కిషోర్ కుమార్ ఎంపీడీవో బండి గోవిందరావు  సిహెచ్ఓ బాలాజీ వివిధ గ్రామ సర్పంచ్ దర్శనాల సుస్మిత,ఎంపీటీసీలు నెమ్మది యాకయ్య,  ఎంపీ ఓ అప్సర్ పాషా, సీనియర్ అసిస్టెంట్ బాబు, వివిధ పాఠశాల ప్రధానోపాధ్యాయులు బుదారపు శ్రీనివాస్, వివిధ శాఖల సిబ్బంది అధికారులు తదితరులు పాల్గొన్నారు.