కుబీర్ (జనం సాక్షి 9); కుబీర్ మండలంలోని పల్సి గ్రామంలో ముదిరాజ్ సంఘం ఆధ్వర్యంలో వాల్మీకి జయంతి వేడుకలు ఘనంగా జరుపుకున్నారు. చిత్రపటానికి పూలమాలలు వేసి నివాళులు అర్పించారు. అనంతరం వారు మాట్లాడుతూ వాల్మీకి రామాయణంలో వాల్మీకి రాముడికి సమకాలికుడని పేర్కొన్నాడు. శ్రీరాముడు వాల్మీకిని అరణ్యవాసంలో కలిసినట్టు,సీతను వనవాసానికి పంపినప్పుడు వాల్మీకి ఆశ్రమంలోనే ఆవిడ ఉన్నట్టు తెలుస్తుంది దన్నారు. ఈ ఆశ్రమంలోనే సీత లవ కుశలను కన్నట్టు వీరిద్దరి విద్యాభ్యాసం వాల్మీకి ఆశ్రమం లోనే,వాల్మీకి శిష్యరికంలో జరిగినట్టు రామాయణం ద్వారా తెలుస్తుందన్నారు. ఈ కార్యక్రమంలో ముదిరాజ్ సంఘం అధ్యక్షుడు తీగల నరసయ్య, తీగల ప్రవీణ్ కుమార్, సబ్బిడి రాజు, గ్రామస్తులు తదితరులు పాల్గొన్నారు.