సూర్యాపేట టౌన్(జనంసాక్షి):శ్రావణ మాసపు శుక్రవారంను పురస్కరించుకొని స్థానిక సంతోషిమాత దేవాలయంలో అమ్మవారికి ప్రత్యేక పూజలు నిర్వహించారు.ఈ సందర్భముగా దేవాలయ ప్రధాన అర్చకులు ఇరువంటి శివరామకృష్ణ శర్మ తెల్లవారుజామునే అమ్మవారికి ప్రత్యేక అభిషేకం నిర్వహించారు.భక్తులు సమర్పించిన పట్టు వస్త్రాలతో అమ్మవారికి అలంకరించి ప్రత్యేక కుంకుమార్చనలు జరిపించారు.అమ్మవారి సన్నిధిలో గల శ్రీ చక్రంకు ప్రత్యేక పూజలు నిర్వహించారు.అనంతరం ఉద్యాపన వ్రతం నిర్వహించారు.అమ్మవారికి వడిబియ్యం పోశారు.భక్తులు అధిక సంఖ్యలో మొక్కులు చెల్లించుకున్నారు.అమ్మవారికి ప్రత్యేక ఉయ్యాలలో పవలింపు సేవా కార్యక్రమం జరిపించారు.వరలక్ష్మీ వ్రతం, వైభవ లక్ష్మీ వ్రతం నిర్వహించారు.ఈ కార్యక్రమంలో దేవాలయ అధ్యక్షులు నూకా వెంకటేశం గుప్తా, ప్రధాన కార్యదర్శి బ్రహ్మాండ్లపల్లి మురళీధర్ , కోశాధికారి పాలవరపు రామ్మూర్తి , ఉపాధ్యక్షులు నరేంద్రుని విద్యాసాగర్ రావు, పబ్భా ప్రకాశ్, సోమా శ్రీశైలం, కొత్త మల్లికార్జున్, బ్రాహ్మణపల్లి బ్రాహ్మయ్య , నామిరెడ్డి పాపిరెడ్డి, అశోక్, దేవిదత్తు, సోమయ్య, శివ ప్రసాద్, వెంకటేశ్వర్లు, సంతోష్ రాంకుమార్, వాసుదేవ్ దేవాలయ సహాయ అర్చకులు మంగిపుడి వీరభద్రశర్మ, భట్టారం వంశీ కృష్ణశర్మ,దేవాలయ మేనేజర్ బచ్చు పురుషోత్తం తదితరులు పాల్గొన్నారు.