మేడిపల్లి – జనంసాక్షి

తెలంగాణ జాతీయ సమైక్యత వజ్రోత్సవ ముగింపు వేడుకల్లో భాగంగా మేడ్చల్ మల్కాజ్గిరి జిల్లా కలెక్టరేట్ ఆవరణలో నిర్వహించిన స్వాతంత్ర సమరయోధులు, కవులు, కళాకారుల సన్మాన కార్యక్రమంలో రాష్ట్ర కార్మిక, ఉపాధి కల్పనా శాఖ మంత్రివర్యులు చామకూర మల్లారెడ్డి, జడ్పీ చైర్మన్ శరత్ చంద్ర రెడ్డి, అడిషనల్ కలెక్టర్ జాన్ శాంసన్, జేసీ నర్సింహా రెడ్డి, పీర్జాదిగూడ మేయర్ జక్క వెంకట్ రెడ్డి కలిసి పాల్గొన్నారు. ఈ సందర్బంగా విద్యార్థులతో నిర్వహించిన సాంస్కృతిక కార్యక్రమాలను తిలకించడంతో పాటు స్వతంత్ర సమరయోధులను, కవులను, కళాకారులను ప్రశంస పత్రాలను అందజేసి సన్మానం చేశారు. ఈ కార్యక్రమంలో జడ్పీ వైస్ చైర్మన్ వెంకటేష్, ఎంపీపీలు, జడ్పీటీసీలు, మేయర్లు, డిప్యూటీ మేయర్లు, చైర్మన్లు, వైస్ చైర్మన్లు, అధికారులు, నాయకులు,తదితరులు పాల్గొన్నారు.