టేకుమట్ల.అక్టోబర్13(జనం సాక్షి)తెలంగాణ తొలి శాసనసభ సభాపతి,ఎమ్మెల్సీ సిరికొండ మధుసూదనాచారి జన్మదిన వేడుకలను టీఆర్ఎస్ జిల్లా నాయకులు కత్తి సంపత్ ఆధ్వర్యంలో కేక్ కట్ చేసి బాణాసంచా కాల్చి స్వీట్లు పంపిణీ చేశారు.మండల కేంద్రంతో పాటు గురువారం మండలంలోని అన్ని గ్రామాలలో జన్మదిన వేడుకలను నిర్వహించారు.అనంతరం కత్తి సంపత్ మాట్లాడుతూ తెలంగాణ రాష్ట్ర సమితి వ్యవస్థాపక సభ్యుడు సిరికొండ మధుసూదనాచారి తెలంగాణ ఉద్యమ సమయంలో అనేక ఆటుపోట్లు ఎదుర్కొంటూ తెలంగాణ ఉద్యమానికి వెన్నుదన్నుగా అంటూ తన వ్యూహరచనతో తెలంగాణ రాష్ట్ర వ్యవస్థాపక అధ్యక్షుడు కల్వకుంట్ల చంద్రశేఖర్ రావు ఆదేశాల మేరకు అలుపెరగని పోరాటం చేశారని మాజీ స్పీకర్ సిరికొండ మధుసూదనాచారి జన్మదిన వేడుకలు మరెన్నో జరుపుకోవాలని ఆయన అన్నారు.ఈ కార్యక్రమంలో సర్పంచ్ల ఫోరం మండలాధ్యక్షుడు గునిగంటి మహేందర్,వైస్ ఎంపీపీ పోతనవేణి ఐలయ్య,సర్పంచులు బిల్లకంటి ఉమెందర్ రావు,నేరెళ్ల శ్రీనివాస్,చింతలపల్లి విజయ స్వామి రావు,అడగని లతా రామారావు,పీఏసీఎస్ డైరెక్టర్ దొడ్ల కోటి,ఉప సర్పంచ్ నిమ్మల స్వామి,వివిధ గ్రామాల అధ్యక్ష కార్యదర్శులు నాయకులు తదితరులు పాల్గొన్నారు.