– వాడ వాడన రెపరెపలాడిన జాతీయ జెండా.
ఊరుకొండ, ఆగస్టు 15 (జనం సాక్షి):
ఊరుకొండ మండల కేంద్రంతోపాటు మండల పరిధిలోని అన్ని గ్రామాలలో 75వ స్వాతంత్ర భారత వజ్రోత్సవ దినోత్సవం ఘనంగా జరుపుకున్నారు. సోమవారం 75వ స్వాతంత్ర భారత వజ్రోత్సవం సందర్భంగా మండల కేంద్రంతోపాటు అన్ని గ్రామాలలో ప్రభుత్వ కార్యాలయాలు ప్రైవేట్ కార్యాలయాలలో ప్రభుత్వ అధికారులు, ప్రజాప్రతినిధులు జాతీయ జెండాలను ఎగురవేశారు. స్థానిక పోలీస్ స్టేషన్ లో ఎస్సై లక్ష్మణ్ నాయక్, తాసిల్దార్ కార్యాలయం లో తాసిల్దార్ జాకిర్ అలీ, ఎంపీడీవో కార్యాలయంలో ఎంపీపీ బక్క రాధ జంగయ్య, గ్రామపంచాయతీ కార్యాలయంలో సర్పంచ్ రాజయ్య, వ్యవసాయ శాఖ కార్యాలయంలో ఏవో శోభారాణి, ప్రభుత్వ పాఠశాలలో హెచ్ఎం బాలయ్య, సుభాష్ చంద్రబోస్ స్టాచ్ వద్ద మాజీ సర్పంచ్ మేకల శ్రీనివాసులు, గాంధీ విగ్రహం వద్ద టిఆర్ఎస్ రాష్ట్ర నాయకులు గంగాపురం గోపాల్ రెడ్డి, కాంగ్రెస్ పార్టీ ఆధ్వర్యంలో మండల అధ్యక్షుడు కుడుముల తిరుపతిరెడ్డి, బిజెపి పార్టీ ఆధ్వర్యంలో మండల అధ్యక్షుడు ఓర్సు ఆంజనేయులు, వివిధ యువజన సంఘాల ఆధ్వర్యంలో ఆయా యువజన సంఘాల అధ్యక్షులు జాతీయ జెండాలను ఎగురవేశారు. కార్యక్రమంలో జడ్పిటిసి శాంతకుమారి రవీందర్, వైస్ ఎంపీపీ అరుణ్ రెడ్డి, రాష్ట్ర నాయకులు గోపాల్ రెడ్డి, గిరి నాయక్, వివిధ పార్టీల మండల అధ్యక్షులు, అధికారులు, ప్రజా ప్రతినిధులు, తదితరులు పాల్గొన్నారు.