– ఎమ్మెల్యే శానంపూడి సైదిరెడ్డి హుజూర్ నగర్ సెప్టెంబర్ 10 (జనం సాక్షి): తెలంగాణ సాయుధ పోరాట యోధురాలు వీర వనిత చాకలి ఐలమ్మ భూమి, భుక్తి, విముక్తి కోసం పెత్తందారీ వ్యవస్త ఆధిపత్యం పై పోరాటం చేసిన గొప్ప మహిళ అనీ, ఐలమ్మ పోరాట స్ఫూర్తి నేటికినీ చిరస్మరణీయం అనీ ఎమ్మెల్యే శానంపూడి సైదిరెడ్డి అన్నారు. హుజూర్ నగర్ పట్టణంలోని చౌరస్తా సెంటర్ లో ఎంపిపి గుడెపు శ్రీనివాస్ ఆధ్వర్యంలో ఐలమ్మ వర్ధంతి వేడుకలను నిర్వహించారు. ఈ కార్యక్రమంలో ఎమ్మెల్యే శానంపూడి సైదిరెడ్డి ముఖ్య అతిథిగా హాజరై ఐలమ్మ చిత్ర పటానికి పూలమాలలు వేసి ఘనంగా నివాళులర్పించారు. ఈ సందర్భంగా ఐలమ్మ ఘన చరిత్రను పోరాట స్ఫూర్తి ని వివరించారు. ఈ కార్యక్రమంలో మున్సిపల్ వైస్ చైర్మన్ జక్కుల నాగేశ్వరరావు, పట్టణ టీఆర్ఎస్ అధ్యక్షులు చిట్యాల అమర్ నాథ్ రెడ్డి, కౌన్సిలర్ గుండా ఫణి కుమారి, రజక సంఘం నాయకులు దాసరాజు నారాయణ, చిలకరాజు అజయ్ కుమార్, పెద్దారపు శంకర్, దుగ్గి గురువర్మ, ఇందిరాల రామకృష్ణ, దుగ్గి ఉషశ్రీ, గూడెపు దీప, అల్వాల ఉపేందర్, నాగరాజు, శంకర్ తదితరులు పాల్గొన్నారు.