ఏకగ్రీవంగా ఎన్నుకున్న సంఘం సభ్యులు

మేడిపల్లి – జనంసాక్షి

మేడ్చల్ జిల్లా చెంగిచెర్లకు చెందిన గీత కార్మిక సంఘం అధ్యక్షులుగా కె.అశోక్ గౌడ్ ఎన్నికయ్యారు. జిల్లాకు చెందిన ఎక్సైజ్ శాఖ అధికారి సమక్షంలో సంఘం ఎన్నికలు నిర్వహించగా.. సభ్యులను ఏకగ్రీవంగా ఎన్నుకున్నారు. వైస్ ప్రెసిడెంట్ గా ఆర్. రంగా శ్రీనివాస్, సెక్రటరీగా కె.వెంకటేష్ గౌడ్, ఎగ్జిక్యూటివ్  మెంబర్లుగా కె.మల్లేష్, కె.వెంకటేష్ ఎన్నికైనట్లు అధికారి ప్రకటించారు. ఈ సందర్భంగా నూతన అధ్యక్షుడు అశోక్ గౌడ్ మాట్లాడుతూ.. చెంగిచెర్లతో పాటు జిల్లాలో ఉన్న గీత కార్మికుల సమస్యలు పరిష్కరించేందుకు తనవంతు కృషి చేస్తానని హామీ ఇచ్చారు. తనపై ఉంచిన నమ్మకాన్ని వమ్ము చేయకుండా గీత కార్మికుల అభివృద్ధికి పాటుపడతానని చెప్పారు. ఈ కార్యక్రమంలో కార్పొరేటర్ కొత్త చందర్ గౌడ్, మాజీ వార్డ్ సభ్యులు కొత్త ప్రభాకర్ గౌడ్, కో ఆప్షన్ సభ్యులు రంగ బ్రహ్మన్న గౌడ్, కొత్త కుమార్ గౌడ్, కొత్త విక్రం గౌడ్, కొత్త ప్రవీణ్ గౌడ్ తదితరులు పాల్గొన్నారు. నూతనంగా ఎన్నికైన సంఘం సభ్యులను  కార్పొరేటర్ చందర్ గౌడ్ అభినందించాడు.