-బెల్లంపల్లి RDO శ్యామల దేవి.
-బెల్లంపల్లి మున్సిపల్ చైర్ పర్సన్ జక్కుల శ్వేతా.
పోటో: బతుకమ్మ సంబరాల పోస్టర్లను విడుదల చేస్తున్న ఆర్డీవో.
బెల్లంపల్లి,సెప్టెంబర్13,(జనంసాక్షి)
బెల్లంపల్లి పట్టణంలో సెప్టెంబర్ 29 వ తేదీ గురువారం సాయంత్రం ఏఎంసి గ్రౌండ్ లో జనహిత సేవా సమితి ఆధ్వర్యంలో నిర్వహిస్తున్న జనహిత బతుకమ్మ సంబరాలు కార్యక్రమాన్ని బెల్లంపల్లి పట్టణ మరియు మండల మహిళా సోదరీమణులు అధిక సంఖ్యలో పాల్గొని విజయవంతం చేయాలని బెల్లంపల్లి ఆర్డీవో శ్యామల దేవి మరియు బెల్లంపల్లి మున్సిపల్ ఛైర్మన్ జక్కుల శ్వేత వేర్వేరు ప్రకటనలో ప్రజలని కోరారు. బతుకమ్మ సంబరాల పోస్టర్లను విడుదల చేశారు. ఈసందర్భంగా వారు మాట్లాడుతూ తెలంగాణ సంస్కృతి సంప్రదాయాలకు చిహ్నమైన బతుకమ్మ పండుగ సందర్భంగా డీజే పాటలు కాకుండా డీజే పాటలు వద్దు, బతుకమ్మ పాటలు ముద్దు అనే నినాదంతో బతుకమ్మ పాటలని బావి తరాలకు అందించాలనే చిరు సంకల్పంతో జనహిత సేవా సమితి ఆధ్వర్యంలో బతుకమ్మ పాటల పోటీలు నిర్వహించి విజేతలకి బహుమతులు అందజేస్తారని వారు పేర్కొన్నారు. ఈకార్యక్రమంలో బెల్లంపల్లి పట్టణ మరియు మండల ప్రజలు అధిక సంఖ్యలో పాల్గొని జనహిత బతుకమ్మ సంబరాలు కార్యక్రమాన్ని విజయవంతం చేయాలని వారు కోరారు. ఈ కార్యక్రమంలో టీఆరెస్ నాయకులు శ్రీధర్, తెలంగాణ రాష్ట్ర జానపద కళాకారుల సంఘం రాష్ట్ర కార్యదర్శి హనుమండ్ల మధుకర్, జనహిత సేవా సమితి అధ్యక్షుడు ఆడెపు సతీష్, కార్యనిర్వాహక అధ్యక్షుడు కాంపెల్లి విజయ్ కుమార్, సహాయ కార్యదర్శి గుమ్ముల చందు, గౌరవ సలహాదారులు పూదరి నగేష్ గౌడ్, కార్యవర్గ సభ్యులు పనాస వెంకటేష్, కందుల రాజన్న తదితరులు పాల్గొన్నారు.