సూర్యాపేట టౌన్ (జనంసాక్షి):అక్షర ఫౌండేషన్ ఆధ్వర్యంలో అందించబోయే జాతీయ స్థాయి అక్షర పురష్కారానికి జిల్లా కేంద్రానికి చెందిన రుద్రంగి శ్రీలక్ష్మి ఎంపికైనట్లు అక్షర ఫౌండేషన్ చైర్మన్ యాస రాంకుమార్ రెడ్డి తెలిపారు. గురువారం జిల్లా కేంద్రంలో ఆయన మాట్లాడుతూ విద్య,వైద్యం,సామాజిక, సాంస్కృతిక,కళ,సాహిత్య, నాట్య,పారిశ్రామిక,క్రీడలు, స్వచ్ఛంద సేవా కార్యక్రమాల్లో ఉత్తమ ప్రతిభ కనబర్చినందుకు గాను ఇట్టి అవార్డులు ప్రదానం చేస్తున్నట్లు వెల్లడించారు.అందులో భాగంగానే వైద్య రంగంలో విశేష సేవలు అందించిన శ్రీలక్ష్మిని ఎంపిక చేసినట్లు ఆయన పేర్కొన్నారు.ఆయనతో పాటు ఫౌండేషన్ అధ్యక్షులు ఉప్పు నాగయ్య,కార్యదర్శి పాల్వాయి వెంకట్,ఎన్జీవోస్ అసోసియేషన్ ప్రధాన కార్యదర్శి చకిలం హరిత,వర్కింగ్ ప్రెసిడెంట్ మడ్డి రాజలింగం గౌడ్ ఉన్నారు.