సూర్యాపేట టౌన్ (జనంసాక్షి): సూర్యాపేట జిల్లా పద్మశాలి సంఘం ఆధ్వర్యంలో ఆదివారం ఆ సంఘ జిల్లా అధ్యక్షులు అప్పం శ్రీనివాస్ నివాసంలో జిల్లా ఉత్తమ ఉపాధ్యాయ అవార్డ్ గ్రహీతలను, ఉత్తమ ప్రతిభ కనబర్చిన విద్యార్ధులను ఘనంగా సన్మానించారు.ఈ సందర్భంగా ఆయన మాట్లాడుతూ పద్మశాలి కుల బంధవులను ఘనంగా సన్మానించుకోవడం ఆనందంగా ఉందన్నారు.ప్రతి ఒక్కరూ సంఘ బలోపేతానికి కృషి చేయాలని కోరారు.విద్యలో ఉన్నతంగా రాణిస్తున్న విద్యార్థులను ప్రోత్సహించి వారి అభ్యున్నతికి పాటు పడుతామని అన్నారు.సన్మానం పొందిన వారిలో ఉపాధ్యాయులు కస్తూరి శ్రీదేవి , నల్ల శ్రీనివాస్ , భింగి కరుణాకర్, గుండూరి నాగేశ్వరరావు, ఐఐటిలో సీటు పొందిన కందెన శృతి , కరాటేలో ఉత్తమ ప్రతిభ కనబర్చిన రెబ్బ చైతన్య ఉన్నారు.ఈ కార్యక్రమంలో ఆ సంఘ జిల్లా ప్రధాన కార్యదర్శి బడుగు అంజయ్య , సూర్యాపేట పట్టణ కార్యదర్శి యలగందుల సుదర్శన్ , దూలం నగేష్ , జిల్లా పద్మశాలి యువజన సంఘం అధ్యక్షులు మిట్టకోల యుగేందర్ , చిట్టిపోలు వెంకటరమణ, లక్ష్మీనారాయణ, పావని, యాదగిరి తదితరులు పాల్గొన్నారు.