హైదరాబాద్ : స్కూల్ కు ఆలస్యంగా వచ్చారంటూ విద్యార్థులపై ఓ టీచర్ ఉగ్రరూపం దాల్చింది. నలుగురు విద్యార్థులను చితకబాదింది. ఈ ఘటన మీర్ పేటలోని గౌతమి టాలెంట్ పాఠశాలలో చోటు చేసుకుంది. ఈ ఘటనలో ఒక విద్యార్థి చేయి విరగగా మరో ముగ్గురు విద్యార్థులకు గాయాలయ్యాయి. సంఘటనతో విద్యార్థుల తల్లిదండ్రులు తీవ్ర ఆగ్రహం వ్యక్తం చేశారు. వారి ఫిర్యాదు మేరకు పోలీసులు కేసు నమోదు చేసి టీచర్ ను అదుపులోకి తీసుకున్నారు.
