శివ్వంపేట సెప్టెంబర్ 23 జనంసాక్షి :
కాంగ్రెస్ పార్టీ రాష్ట్ర కార్యదర్శిగా నియమితులైన ఆవుల రాజిరెడ్డిని శివ్వంపేట మండల కాంగ్రెస్ పార్టీ అధ్యక్షులు కొడకంచి సుదర్శన్ గౌడ్ ఆధ్వర్యంలో శుక్రవారం శాలువాలతో ఘన సన్మానం నిర్వహించారు. ఇటీవలే అల్లీపూర్ గ్రామంలో మరణించిన చింతకాయల మహేష్, కూతురు మరణించిన వడ్ల రాజు కుటుంబాలను పరామర్శించి, ఆర్థికంగా సహాయం అందజేశారు. మండల పరిధిలోని తుక్యా తాండా, ఉసిరికపల్లి తాండలల్లో దుర్గాభవాని, సేవలాల్ ఆలయాలలో ప్రత్యేక పూజలు నిర్వహించి, దేవి దీక్షా దారులను కలవడం జరిగింది. ఈ సందర్భంగా టీపీసీసీ రాష్ట్ర కార్యదర్శి ఆవుల రాజిరెడ్డి మాట్లాడుతూ కష్ట కాలంలో ఉన్న కాంగ్రెస్ పార్టీ కార్యకర్తలకు మేమంతా అండగా నిలుస్తామన్నారు. మెదక్ జిల్లాలో కాంగ్రెస్ పార్టీ బలంగా ఉందని, రాబోయే సార్వత్రిక ఎన్నికల్లో కాంగ్రెస్ పార్టీకి పూర్వ వైభవం రానున్నదని ఆయన జోశ్యం చెప్పారు. సంక్షేమ పథకాల అమలులో పూర్తిగా విఫలమైన కేసిఆర్ ప్రభుత్వంపై ప్రజలలో ఆదరణ పూర్తిగా తగ్గిపోయిందన్నారు. కాంగ్రెస్ పార్టీకి ప్రజలు పట్టం కట్టడం ఖాయమన్నారు. ఈ కార్యక్రమంలో బ్లాక్ కాంగ్రెస్ అద్యక్షులు బాసంపల్లి శ్రీనివాస్ గౌడ్, సీనియర్ నాయకులు మంతురి రమేష్ గౌడ్, కొంతాన్ పల్లి రాము, అల్లీపూర్ శ్రీనివాస్, ప్రశాంత్, ఎస్టీ సెల్ మండల అధ్యక్షులు తిరుపతి నాయక్, ఆనంద్, వెంకటేశ్, పాండ్య, రవీందర్, ప్రకాష్, అనిల్ తదితరులు పాల్గొన్నారు.