టేకులపల్లి, ఆగస్టు 30( జనం సాక్షి ): మండలంలోని 36 గ్రామపంచాయతీలకు 1507 మందికి ఆసరా పెన్షన్లు స్వాతంత్ర్య వజ్రోత్సవాల సందర్భంగా మంజూరి అయ్యాయని ఎంపీడీవో డి బాలరాజు తెలిపారు.మంగళవారం మంజూరైన ఆసరా పెన్షన్ వివరాలను తెలిపారు. రాష్ట్ర ప్రభుత్వం మంజూరు చేస్తున్న ఆసరా పెన్షన్లను వృద్ధులు 57-64 సంవత్సరాల వయస్సు కలిగిన వృద్ధులు 1072 65 సంవత్సరాల పై బడిన వృద్ధులకు 104 వికలాంగులకు ఒకటి వితంతువులకు 302 ఒంటరి మహిళలకు 18 మందికి ఆసరా పెన్షన్లు మంజూరైనట్లు ఆయన తెలిపారు. సెప్టెంబర్ నెల నుండి లబ్ధిదారుల బ్యాంకు ఖాతాలో జమ అవుతాయని ఆయన వెల్లడించారు. ప్రస్తుతం మండలంలో ఉన్న పెన్షన్లు 4289 మందికి అందుతున్నాయి. ఇప్పుడు మంజూరైన వాటితోటి మండలం మొత్తంలో 5796 మందికి పెన్షన్లు అందనున్నాయి.