టేకులపల్లి, సెప్టెంబర్ 24( జనం సాక్షి ): భద్రాద్రి కొత్తగూడెం జిల్లా కలెక్టర్ ఆదేశానుసారం జిల్లాలోని లబ్ధిదారులందరికీ త్వరగా ప్రికాక్షన్ కోవిడ్ వ్యాక్సిన్ డోస్ పూర్తి చేయడానికి వారాంతపు సంతలలో కూడా కోవిడ్ వ్యాక్సినేషన్ చేయాలని ఆదేశించిన దరిమిల టేకులపల్లి లోని రామాలయం దగ్గర నిర్వహిస్తున్న సంతలో శనివారం కోవిడ్ వాక్సినేషన్ శిబిరం ఏర్పాటు చేసి నిర్వహించారు. మండలంలోని అనేక గ్రామాల నుండి ఈ సంతకు నిత్యావసరాలు కొనుక్కోవడానికి వస్తారు కాబట్టి ఇక్కడ ఈ వ్యాక్సినేషన్ క్యాంపు పెట్టడం జరిగిందని మండల వైద్యాధికారి డాక్టర్ విరుగు నరేష్ అన్నారు. సంతలో 212 మందికి కోవిడ్ వ్యాక్సినేషన్ చేశారు. ఈ కార్యక్రమంలో కమ్యూనిటీ హెల్త్ ఆఫీసర్ సీతమ్మ, సూపర్వైజర్ నాగు బండి వెంకటేశ్వర్లు, ఏఎన్ఎం లు పరంగిణి, వెంకటరమణ, ఆశా కార్యకర్తలు మజహరి, లక్ష్మీ, నాగమణి, పద్మ ,పార్వతి, సక్కు తదితరులు పాల్గొన్నారు.