అన్నదానం చేస్తున్న సభ్యులు.
బెల్లంపల్లి,సెప్టెంబర్ 22,(జనంసాక్షి)
బెల్లంపల్లి పట్టణంలోని కాంటా ఏరియా బస్టాండ్ వద్ద శనివారం అమ్మఒడి స్వచ్ఛంద సేవా సంస్థ ఆధ్వర్యంలో అన్నదానం చేపట్టారు. ఈసందర్భంగా అమ్మఒడి అన్నదాత ప్రాజెక్టు బెల్లంపల్లి బ్రాంచ్ మేనేజర్ హనుమండ్ల మదుకర్ మాట్లాడుతూ అన్నమో రామచంద్ర అని ఆకలితో అలమటిస్తున్న వారి ఆకలి బాధను తగ్గించడానికి తమ వంతు సాయంగా అన్నదానం కార్యక్రమం ప్రారంభించామని తెలిపారు. వైస్సార్ తెలంగాణ పార్టీ బెల్లంపల్లి అసెంబ్లీ కో ఆర్డినేటర్ కాశీ సతీష్ జన్మదినం సందర్భంగా 149వ సారి అన్నదానం చేపట్టినట్లు అయన పేర్కొన్నారు. బెల్లంపల్లి పట్టణంలోని కాంటా చౌరస్తా పల్లెటూరి బస్టాండు వద్ద యచకులకు, నిరుపేదలకు, కూలీలకు, బాటసారులకు, సుమారు 200 మందికి అన్నదానం చేసినట్లు తెలిపారు. ఈకార్యక్రమంలో వైస్సార్ తెలంగాణ పార్టీ నాయకులు అమ్మఒడి సభ్యులు హనుమండ్ల సువర్ణ, మల్లక్క, కుడికాల రాజు, రేగుంట పోశం, ఎండి యూసుఫ్, చెందుపట్ల లింగన్న పాల్గొన్నారు.