ఖిలా వరంగల్ మండలం, అక్టోబర్ (జనంసాక్షి)

ఇండియన్ మెడికల్ అసోసియేషన్ , తెలంగాణా అధ్యక్షుడు గా ఎన్నికైన డా. కాళీ ప్రసాద్ రావు ను గ్రేటర్ మున్నూరు కాపు పరపతి సంఘం ఘనంగా సన్మానించింది. శుక్రవారం నాడు గార్డియన్ హాస్పిటల్ లో డా. కాళీ ప్రసాద్ రావు ను పరపతి సంఘ బాధ్యులు కలిసి శాలువా కప్పి సన్మానించారు. వైద్య రంగంలో విశిష్ట సేవలు అందిస్తూ అందరి మన్ననలు పొందిన కాళీ ప్రసాద్ రావు ఐ ఎం ఎ తెలంగాణా అధ్యక్షుడిగా ఎన్నిక కావడం గొప్ప విషయం అని గ్రేటర్ మున్నూరు కాపు పరపతి సంఘం గౌరవ సలహాదారుడు శేంకేశి శంకర్రావు అన్నారు.భవిష్యత్తులో మరిన్ని ఉన్నత పదవులు పొందాలని ఆకాంక్షించారు. ఈ కార్యక్రమంలో పరపతి సంఘం కమిటీ అధ్యక్ష కార్యదర్శులు డా.పల్లె రవి వంశీ మోహన్, గజ్జి రమేష్, గొట్టే వెంకన్న,డా. నన్నపు భారత్,బక్కి రాజ్ కుమార్ పాల్గొన్నారు.