చౌడాపూర్,సెప్టెంబర్ 17( జనం సాక్షి ): తెలంగాణ జాతీయ సమైక్యతా వజ్రోత్సవాలలో భాగంగా చౌడాపూర్ తహసిల్దార్ మండల కేంద్రం ఆవరణలో మరియు వివిధ ప్రభుత్వ కార్యాలయాలలో జాతీయ జెండాను ఎగరవేయడం జరిగింది.ఈ కార్యక్రమానికి ముఖ్యఅతిథిగా హాజరైనటువంటి జెడ్పిటిసి రాందాస్ నాయక్ మాట్లాడుతూ..17 సెప్టెంబర్,2022 నాటికి హైదరాబాద్ సంస్థానం భారతదేశంలో విలీనమై 75 వ సంవత్సరంలోకి అడుగుపెడుతున్న సందర్భంగా తెలంగాణ ప్రజల సంస్కృతి,సాంప్రదాయాలు,రాష్ట్ర అభివృద్ధి,వివిధ సంక్షేమ ఫలాలు ఘన కీర్తిని చాటేలా తెలంగాణ జాతీయ సమైక్యత వజ్రోత్సవాలు రాష్ట్ర ప్రభుత్వం ఘనంగా నిర్వహించడం జరిగింది. ఈ కార్యక్రమంలో గ్రామ సర్పంచ్ కొత్త రంగారెడ్డి,స్థానిక ఎంపిటిసి శంకర్,ఉప సర్పంచ్ శివకుమార్,తహసిల్దార్ అశోక్ కుమార్ మరియు గ్రామ పెద్దలు రాజయ్య,పాల నర్సింలు,రైతు సమన్వయ కమిటీ అధ్యక్షుడు యాదయ్య,వార్డు మెంబర్లు పరిగి అశోక్ కుమార్,రామకృష్ణ,బిజెపి మండల పార్టీ అధ్యక్షుడు బందయ్య,కాంగ్రెస్ మండల పార్టీ అధ్యక్షుడు అశోక్ కుమార్ మరియు వివిధ యువజన సంఘాల నాయకులు తదితరులు పాల్గొనడం జరిగింది.