సిపిఐ జిల్లా కౌన్సిల్ సభ్యులు రామ్ చందర్

టేకులపల్లి, సెప్టెంబర్ 11( జనం సాక్షి ): తెలంగాణ సాయుధ రైతంగా పోరాట స్ఫూర్తితో కార్యకర్తలు ఉద్యమించాలి సిపిఐ పార్టీ భద్రాద్రి జిల్లా కౌన్సిల్ సభ్యులు గుగులోత్ రామ్ చందర్ పిలుపునిచ్చారు. పార్టీ కార్యాలయంలో ఆదివారం తెలంగాణ సాయుధ రైతంగ పోరాటాల వారోత్సవాలు జరిపారు. ఈ సందర్భంగా జరిగిన కార్యక్రమంలో ఆయన పాల్గొని మాట్లాడుతూ నిజాం నిరంకుశ పాలనకు వ్యతిరేకంగా పోరాటం చేసిన అమరవీరులను ఆదర్శంగా తీసుకొని సిపిఐ పార్టీ కార్యకర్తలు పోరాటంలో అగ్ర భాగంలో నిలవాలని ఆయన అన్నారు. ఈ కార్యక్రమంలో సిపిఐ మండల నాయకులు ఎజ్జు భాస్కర్ , గుగులోతు శ్రీను, వాసం భద్రయ్య, అయిత శ్రీరాములు, బానోత్ వీరన్న, సుందర్ పాల్ ,మధు, సతీష్ ,రవీందర్ ,వీరభద్రం, లక్ష్మణ్ తదితరులు పాల్గొన్నారు.