జనం సాక్షి మెదక్ ప్రతినిధి దసరా నవరాత్రి ఉత్సవాలను పురస్కరించుకొని ఏడుపాయల వన దుర్గ భవాని మాత దేవస్థానానికి కుటుంభ సమేతంగా విచ్చేసిన సీఎం కేసీఆర్ రాజకీయ కార్యదర్శి, ఎమ్మెల్సీ శేరి సుభాష్ రెడ్డి గారికి దేవస్థాన పాలక కార్యవర్గము, ఈవో సారా శ్రీనివాస్ వేద పండితులతో పూర్ణకుంభం తదితర మర్యాదలతో రాజగోపురం నుంచి మేళ తాళాలతో స్వాగతం పలకడం జరిగింది. వనదుర్గ అమ్మవారిని దర్శించుకున్న ఎమ్మెల్సీ శేరి సుభాష్ రెడ్డి గారిని దేవస్థానం పాలకవర్గము డైరెక్టర్లు ఈవో సారా శ్రీనివాస్ లు ఘనంగా సన్మానించారు. అనంతరం నవరాత్రి ఉత్సవాల సందర్భంగా ప్రత్యేకంగా ప్రతిష్టించిన అమ్మవారిని దర్శించుకుని ప్రత్యేక పూజలు నిర్వహించి వేద పండితుల ఆశీర్వాదం తీసుకున్నారు. ఈ కార్యక్రమంలో ఎమ్మెల్సీ గారితో పాపన్నపేట మండల పార్టీ నాయకుడు ప్రశాంత్ రెడ్డి, ఏడుపాయల దేవస్థానం పాలకవర్గ డైరెక్టర్లు పుట్టి సిద్దయ్య, నర్సింలు గౌడ్, జనార్దన్ రెడ్డి, కటికం బాలయ్య,తాడెపు మహిపాల్, అంజి రెడ్డి, ఎంపీటీసీ చిట్యాల శ్రీనివాస్ సర్పంచ్ శ్రీను నాయక్ లు ఉన్నారు.