తొర్రూరు:8 అక్టోబర్( జనంసాక్షి )
దాతృత్వం గొప్ప సేవ గుణమని లయన్స్ క్లబ్ ఆఫ్ టీచర్స్ అధ్యక్షుడు రాయిపల్లి యాకయ్య అన్నారు.
శనివారం డివిజన్ కేంద్రంలోని బీరప్ప నగర్ లో ఆటో డ్రైవర్ పిల్లలకు స్కూల్ బ్యాగులు, పరీక్ష ప్యాడ్లు అందజేశారు.
వెంకటేశ్వర ఆలయ పూజారికి నూతన వస్త్రాలు అందజేశారు.
ఈ సందర్భంగా యాకయ్య మాట్లాడుతూ.పేదలను ఆదుకునేందుకు స్థానికులు ముందుకు రావాలని కోరారు.  మానవసేవయే మాధవ సేవ అనే సంకల్పంతో లయన్స్ క్లబ్ ఆఫ్ టీచర్స్ సేవా కార్యక్రమాలను కొనసాగిస్తుందని పేర్కొన్నారు.  తొర్రూరు పరిసర ప్రాంతాల్లో అనేక సామాజిక సేవా కార్యక్రమాలు చేపట్టినట్లు గుర్తు చేశారు.  ఉపాధ్యాయులు విద్యార్థుల్లో పరివర్తన తీసుకురావడంతో పాటు సమాజ మార్పులో కీలకంగా వ్యవహరిస్తారని తెలిపారు.
ఈ కార్యక్రమంలో టీచర్స్ క్లబ్ ప్రధాన కార్యదర్శి చింతల సురేష్,  స్థానికులు పాల్గొన్నారు.