జనంసాక్షి, మంథని : పెద్దపల్లి జిల్లా మంథని మండలం సూరయ్య పల్లి గ్రామానికి చెందిన మాజీ ఎంపీటీసీ సభ్యులు భీముని వెంకటస్వామి మూడు రోజుల క్రితం వ్యవసాయ పనుల నిమిత్తం పొలం వద్ద పనిచేస్తుండగా అడవిపంది దాడి చేయడంతో కరీంనగర్ మేడికవర్ హాస్పిటల్ చికిత్స పొందుతున్న భీముని వెంకట స్వామిని గురువారం మంథని ఎమ్మెల్యే దుద్దిల్ల శ్రీధర్ బాబు సోదరుడు దుద్దెల శ్రీనుబాబు పరామర్శించి వారి ఆరోగ్య పరిస్థితిని అడిగి తెలుసుకున్నారు. వైద్య సిబ్బందితో మాట్లాడి మెరుగైన వైద్యం అందించి త్వరగా కోలుకునేల చూడాలని కోరారు. మహా ముత్తారం మండలం యామన్ పల్లి గ్రామానికి చెందిన రమాటేంకి శ్రీనివాస్ కి కరీంనగర్ లోనే ఓ ప్రైవేట్ హాస్పిటల్ లో కిడ్నీ ఆపరేషన్ కాగా ఆరోగ్య పరిస్థితి అడిగి తెలుసుకుని మెరుగైన వైద్యం కొరకు హైదరాబాద్ హాస్పిటల్ కు పంపి డాక్టర్లతో మాట్లాడి మెరుగైన వైద్యం అందించాలని కోరారు.