జనంసాక్షి, మంథని : పెద్దపల్లి జిల్లా మంథని పట్టణంలోని బీజేపీ పార్టీ ఆఫీస్ లో మాజీ ప్రధాని, భారత రత్నా అటల్ బిహారి వాజ్ పేయి వర్ధంతి సందర్బంగా వారి చిత్ర పటానికి బిజెపి రాష్ట్ర కార్యవర్గ సభ్యులు చంద్రు పట్ల సునీల్ రెడ్డి పూల మాలలు వేసి నివాళులు అర్పించారు. అనంతరం ఆయన మాట్లాడుతూ… దేశం కోసం ధర్మం కోసం జీవితకాలం రాజకీయాలలో ఉన్నత విలువలను నెలకొల్పిన మహానుభావుడు, రాజనీతిజ్ఞుడు, సహజ కవి, దేశభక్తి దేశ శ్రేయస్సు కోసం అహర్నిశలు పాటుపడిన వ్యక్తి మన అటల్జీ అని కొనియాడారు. ఈ కార్యక్రమంలో బిజెపి పార్టీ పెద్దపల్లి జిల్లా అధికార ప్రతినిధి పోతన వేణి క్రాంతి, అసెంబ్లీ కన్వీనర్, కో కన్వీనర్, మంథని ముత్తారం, కమాన్పూర్ , మల్హర్ మండల అధ్యక్షులు, సీనియర్ నాయకులు, యువ నాయకులు, కార్యకర్తలు పాల్గొన్నారు.