(జనం సాక్షి )జూలై 18 : దూలిమిట్ట మండలం జాలపల్లి గ్రామంలో స్థానిక సర్పంచ్, ధూళిమిట్ట మండల సర్పంచ్ ఫోరం అధ్యక్షులు చొప్పరి వరలక్ష్మి-సాగర్ ఆధ్వర్యంలో సోమవారం గ్రామంలో దోమలు, తోకపురుగుల నివారణకై వార్డుల్లో ఆయా గుంతల్లో, నీరు నిల్వ ఉన్న ప్రదేశాల్లో ఆయిల్ బాల్స్ మరియు బ్లీచింగ్ వంటి నివారణ మందులను సిబ్బంది చేత చల్లించారు. ఈ విధంగా చేయడం ద్వారా దోమలు తమ సంఖ్యను పెంచకుండా ఉంటాయని తెలిపారు. వర్షాకాలం కాబట్టి ప్రజలందరూ అప్రమత్తంగా ఉండాలని వేడి వేడి ఆహార పదార్థాలను మాత్రమే తినాలని, వంట పదార్థాలపై మూతలు సరిగ్గా ఉంచాలని సర్పంచ్ సూచించారు. ఈ కార్యక్రమంలో గ్రామ ఉపసర్పంచ్ రాగుల సంపత్, వార్డు సభ్యులు, పంచాయతీ కార్యదర్శి శ్రీనివాస్, కోఆప్షన్ సభ్యులు, గ్రామపంచాయతీ సిబ్బంది తదితరులు పాల్గొన్నారు