భువనగిరి టౌన్ (జనంసాక్షి):–
టిపిసీసీ ఓబీసీ డిపార్ట్మెంట్ చైర్మన్ నూతి శ్రీకాంత్ గౌడ్ గారి ఆదేశాల మేరకు కాంగ్రెస్ పార్టీ ఓబీసీ డిపార్ట్మెంట్ యాదాద్రి భువనగిరి జిల్లా చైర్మన్ గోద రాహుల్ గౌడ్ గారి ఆధ్వర్యంలో జిల్లా కలెక్టర్ గారికి నూతన రేషన్ కార్డు జారీ చేయాలని వినతి పత్రం అందజేయడం జరిగింది. ఈ సందర్భంగా గోద రాహుల్ గౌడ్ గారు మాట్లాడుతూ నూతన రేషన్ కార్డులు జారీ చేయకపోవడంతో ప్రజలు చాలా ఇబ్బంది గురవుచున్నారు. గత తెలంగాణ ప్రభుత్వం వచ్చినప్పటి నుంచి నూతన రేషన్ కార్డులు లేక అనేక ప్రభుత్వ పథకాలకు అనర్హులుగా మారుతున్నారు. మరియు ప్రభుత్వ ఫలాలు , సంక్షేమ పథకాలు బీసీ బంధు, గృహలక్ష్మి అందట్లేదు, అంతేకాకుండా పాత రేషన్ కార్డులలో పిల్లల పేర్లు నమోదు చేయకపోవడంతో అనేక ఇబ్బందులకు గురవుతున్నారు స్కాలర్షిప్లకు అనరులుగా పిల్లలు నష్టపోతున్నారు కావున దయచేసి వెంటనే రాష్ట్ర ప్రభుత్వం నూతన కార్డులు మంజూరు చేసి పాతరేషన్ కార్డులలో పిల్లల పేర్లు నమోదు చేయాలని ఈ సందర్భంగా తెలియజేయడం జరిగింది.ఈ కార్యక్రమంలో ముఖ్య అతిథిగా ఆలేరు జడ్పిటిసి ఫ్లోర్ లీడర్ డా నగేష్ పాల్గొనడం జరిగింది.అదేవిధంగా ఓబిసి డిపార్ట్మెంట్ ఉపాధ్యక్షులు చెరుకు నవీన్ గౌడ్,జిల్లా కార్యదర్శిలు మోటే మహేష్,ప్రభాకర్,భువనగిరి మండల్ చైర్మన్ మచ్చ నర్సింహ గౌడ్,జిల్లా కో ఆర్డినేటర్ బబ్బురి నర్సింహ గౌడ్,మండల చైర్మన్ లు శిఖ అరవింద్ గౌడ్,బొంతు సుధాకర్,మక్తాల రమేష్,పోచంపల్లి టౌన్ ప్రెసిడెంట్ బిట్ల గణేష్,పుట్ట గిరీబాలేపల్లీ వార్డు సభ్యులు గోద శ్రవణ్,జిల్లా జాయింట్ కో ఆర్డినేటర్ గోద శివ శంకర్,బొమ్మయిపల్లీ ఓబీసీ ప్రెసిడెంట్ ఆవుల నర్సింహ,రాజు,కార్తిక్,చింటు,మలేష్,వంశీ,సురేష్,బాల కృష్ణ తదితరులు పాల్గొన్నారు.