.

డాక్టర్ బీ.అర్. అంబేద్కర్ పేరు పెట్టడం అభినందనీయం.
– టిఆర్ఎస్ పార్టీ రాష్ట్ర నాయకులు ముచ్చర్ల జనార్దన్ రెడ్డి.
ఊరుకొండ, సెప్టెంబర్ 16 (జనంసాక్షి):
రాష్ట్ర ముఖ్యమంత్రి కెసిఆర్ తెలంగాణ రాష్ట్రంలో నూతనంగా నిర్మించిన సచివాలయానికి ప్రపంచ మేధావి అయిన.. భారత రాజ్యాంగ నిర్మాత డాక్టర్ బిఆర్ అంబేద్కర్ పేరును పెట్టడం అభినందనీయమని టిఆర్ఎస్ పార్టీ రాష్ట్ర నాయకులు, కబడ్డీ మరియు కరాటే అసోసియేషన్ జిల్లా చైర్మన్ ముచ్చర్ల జనార్దన్ రెడ్డి హర్షం వ్యక్తం అన్నారు. శుక్రవారం ఊరుకొండ మండలం ముచ్చర్లపల్లి గ్రామంలోని తన నివాసంలో ఆయన విలేకరులతో మాట్లాడుతూ..సచివాలయానికి సరైన పేరు నిర్ణయించడంలో ముఖ్యమంత్రి కేసీఆర్ కు ఎవరూ సాటి లేరని స్పష్టం చేశారు. భారతరాజ్యాంగ నిర్మాత డాక్టర్ బి.ఆర్.అంబేద్కర్ కొందరి కాదు అందరివాడు అని తెలంగాణ రాష్ట్ర ముఖ్యమంత్రి కేసీఆర్ నూతన సచివాలయానికి ప్రపంచ మేధావి పేరు పెట్టి ఈ రకంగా మరోసారి రుజువు చేయడం పట్ల ఆయనకు ప్రత్యేక కృతజ్ఞతలు తెలిపారు.