హైదరాబాద్ : రైతు సమస్యలపై ప్రభుత్వ వైఖరికి నిరసనగా నేటి నుండి టి.టిడిపి ఆందోళన కార్యక్రమాలు నిర్వహించనుంది. ఈ మేరకు ఆ పార్టీ అధ్యక్షుడు ఎల్.రమణ సోమవారం వెల్లడించారు. మిత్రపక్షంతో కలిసి ధర్నాలు చేస్తామని, గజ్వేల్ తహశీల్దార్ కార్యాలయం ఎదుట ధర్నా నిర్వహిస్తామన్నారు. 7,8,9 తేదీల్లో హన్మకొండ, నిజామాబాద్, రంగారెడ్డి, కలెక్టర్ కార్యాలయం ఎదుట ధర్నాలు నిర్వహిస్తామన్నారు. రూ. లక్షలోపు రుణాలన్నీ ఒకేసారి మాఫీ చేయాలని అలాగే కరవు మండలాలను వెంటనే ప్రకటించాలని డిమాండ్ చేశారు.
