సూర్యాపేట టౌన్ (జనంసాక్షి):స్థానిక సంతోషిమాత దేవాలయంలో అమ్మవారి జయంతి సందర్భంగా నేడు రాఖీ వేడుకలు ఘనంగా నిర్వహించుటకు దేవాలయ కమిటీ సభ్యులు అన్ని ఏర్పాట్లు చేశారు.ఈ వేడుకలలో భాగంగా అమ్మవారికి 108 కలశములతో పంచామృత అభిషేకంతో పాటు నూతన పట్టువస్త్రాలతో ప్రత్యేక అలంకరణ చేయనున్నారు.రాష్ట్ర విద్యుత్ శాఖ మంత్రి  గుంటకండ్ల జగదీశ్ రెడ్డి,సునీత దంపతులు వేడుకల్లో పాల్గొని బంగారు రాఖీ సమర్పించనున్నారు.మహా పూర్ణాహుతి, ఉద్యాపన వ్రతం, వడిబియ్యం, మహా హారతి, సాయంత్రం నామకరణ మహోత్సవం, పవళింపు సేవలు జరుగుతాయని  దేవాలయ అధ్యక్ష , కార్యదర్శులు నూకా వెంకటేశం గుప్త, బ్రహ్మండ్లపల్లి మురళీధర్  తెలిపారు.ఈ వేడుకలకు రాజ్యసభ ఎంపీ బడుగుల లింగయ్య యాదవ్ తో పాటు పలువురు ప్రజాప్రతినిధులు , ప్రముఖులు హాజరుకానున్నారని చెప్పారు.భక్తులు అధిక సంఖ్యలో పాల్గొని అమ్మవారి అనుగ్రహం పొందాలని కోరారు.