*దేవరుప్పుల సెప్టెంబర్ 30 (జనం సాక్షి): పిడుగుపాటుకు రెండు ఎద్దులు మృతి చెందాయి. ఈ ఘటన దేవరుప్పుల మండలం నల్లకుంట తండాలో గురువారం సాయంత్రం 6:30 గంటలకు చోటుచేసుకుంది. భానోతు బిచ్య తండ్రి సాంక్రు అనే రైతు వ్యవసాయ బావి వద్ద ఉన్న ఎడ్ల కొట్టంలో పిడుగుపడడంతో రెండు ఎద్దులు అక్కడికక్కడే మృతిచెందాయి. ఎద్దుల ద్వారానే వ్యవసాయం చేస్తున్నానని, తన ఎద్దులు చనిపోవడంతో వ్యవసాయం ఎలా చేయాలని భిచ్య రోదించిన తీరు పలువురిని కంటతడి పెట్టించింది. రెండు ఎద్దుల విలువ  దాదాపు రూ.లక్ష ఉంటుందని, ప్రభుత్వం తనను ఆదుకోవాలని కోరాడు.