పి.ఆర్.టి.యు టి.ఎస్ ఆధ్వర్యంలో రాష్ట్రవ్యాప్తంగా నిర్వహిస్తున్న సభ్యత్వ వారోత్సవాలను పురస్కరించుకొని సోమవారం మంచిర్యాల జిల్లా కేంద్రంలోని జిల్లా పరిషత్ (బాలుర )ఉన్నత పాఠశాలలో సభ్యత్వ నమోదు కార్యక్రమం ఉత్సాహంగా చేపట్టారు . ఈ సందర్భంగా విరామ సమయంలో ఏర్పాటుచేసిన ఉపాధ్యాయుల సమావేశంలో రాష్ట్ర అసోసియేట్ అధ్యక్షులు గోలి మనోహర్, గుండేటి యోగేశ్వర్ మాట్లాడుతూ ఈ సంవత్సరం ప్రత్యేకంగా సభ్యత్వంతో పాటు సభ్యత్వం పొందిన ప్రతి ఉపాధ్యాయునికి గ్రూప్ ఇన్సూరెన్స్ రక్షణ ఉండాలనే ఉద్దేశంతో క్రియాశీలక సభ్యత్వాన్ని నమోదు చేసుకునేలా ప్రోత్సహించాలన్నారు.
ఉపాధ్యాయుల సమస్యల పరిష్కారానికి రాష్ట్రంలోనే పటిష్ట మైన పి. ఆర్.టి.యు సంఘం ఉపాధ్యాయుల, విద్యా రంగ సమస్యల సాధనకై ముందుండి పాఠశాల పతిష్టతకు విద్యాభివృద్ధికి తోడ్పడుతుందన్నారు.ఈ కార్యక్రమంలో రాష్ట్ర బాధ్యులు మెక్కర్తి వెంకటేశ్వర్లు, ఆసూరి వేణుగోపాల్, మండల అధ్యక్షులు డి. నాగరాజు, సభ్యులు, శ్రీనివాస స్వామి, రాజయ్య, ఉదయ్, శ్రీనివాస వర్మ, రాజమౌళి, చారి,.l భాగ్యలక్ష్మి, ఉపాధ్యాయులు పాల్గొన్నారు.