నల్లబెల్లి సెప్టెంబర్ 26 ( జనం సాక్షి):

సద్దుల బతుకమ్మ పండుగకు గాను తెలంగాణ ఆడపడుచులకు రాష్ట్ర ప్రభుత్వం అందిస్తున్న బతుకమ్మ చీరలను మండలంలోని నారక్కపేట, నల్లబెల్లి గ్రామాలలో జడ్పీ ఫ్లోర్ లీడర్ పెద్ది స్వప్న, ఎంపీపీ ఉడుగుల సునీత తో కలిసి సోమవారం పంపిణీ చేశారు. ఈ సందర్భంగా స్వప్న మాట్లాడుతూ బతుకమ్మ పండుగ కానుకగా కేసీఆర్ చీరలను అందిస్తున్నట్లు తెలిపారు. రాష్ట్ర ప్రభుత్వం అందిస్తున్న అనేక సంక్షేమ పథకాలతో ప్రతి కుటుంబంలోనూ కేసీఆర్ పెద్ద కొడుకు వలె ఆదరణ పొందుతున్నాడని కొనియాడారు. ఈ కార్యక్రమంలో వైస్ ఎంపీపీ గందె శ్రీలత శ్రీనివాస్ గుప్తా, సర్పంచులు వక్కల మల్లక్క, నానబోయిన రాజారాం, ఎంపీటీసీలు ఓదెల విజయలక్ష్మి, జన్ను జయరాం, టిఆర్ఎస్ మండల నాయకులు వక్కల చంద్రమౌళి, ఓదెల రవి, పంచాయతీ కార్యదర్శులు రహీం, ధర్మేందర్ పాల్గొన్నారు.