మండల ఎస్సీ మోర్చా అధ్యక్షులు గడ్డం మహేందర్.
ఊరుకొండ, అక్టోబర్ 16 (జనంసాక్షి):
బస్తి సంపర్క్ అభియాన్ పాదయాత్రను జయప్రదం చేయాలని మండల ఎస్సీ మోర్చా అధ్యక్షులు గడ్డం మహేందర్ పిలుపునిచ్చారు. ఆదివారం ఊరుకొండ మండల కేంద్రంలోని కల్వకుర్తి – జడ్చర్ల ప్రధాన రహదారిపై మండల ఎస్సీ మోర్చా ఆధ్వర్యంలో బస్తీ సంపర్క్ అభియాన్ యాత్రకు సంబంధించిన కరపత్రాలను విడుదల చేశారు. ఊరుకొండ మండలం నుండి పెద్ద సంఖ్యలో హాజరై బస్తీ సంపర్క్ అభియాన్ యాత్రను విజయవంతం చేయాలని ఆయన కోరారు. కార్యక్రమంలో మండల ఎస్సీ మోర్చా ఉపాధ్యక్షులు శివ, ఆంజనేయులు, మండల కిసాన్ మోర్చా సీనియర్ నాయకులు ఆనంద్ గౌడ్, మండల నాయకులు రామస్వామి, సాయిలు, సురేందర్, అరవింద్ గౌడ్, లక్ష్మయ్య, నరసింహ తదితరులు పాల్గొన్నారు.