కోదాడ అక్టోబర్ 8(జనం సాక్షి)

కోదాడ ప్రాంతానికి చెందిన  బాల్దురి హరీష్ కు ఉస్మానియా యూనివర్సిటీ  జాగ్రఫీ విభాగంలో డాక్టరేట్ ను ప్రకటించింది. కాగా శనివారం కోదాడ పట్టణంలో మిత్ర బృందం ఆధ్వర్యంలో ఆయనకు ఘనంగా సన్మాన కార్యక్రమం నిర్వహించారు. ఈ కార్యక్రమానికి ముఖ్యఅతిథిగా మాజీ ఎంపీపీ వంగవీటి రామారావు హాజరై వారిని ఘనంగా సన్మానించి అభినందించారు. ఈ సందర్భంగా తను మాట్లాడుతూ కోదాడ ప్రాంతానికి చెందిన బాల్దూరి హరీష్ ప్రభుత్వ కళాశాలలో చదువుకొని ఉస్మానియా యూనివర్సిటీ నుండి డాక్టరేట్ సాధించడం అభినందనీయం అన్నారు. నేటి రోజుల్లో విద్యదే కీలక పాత్ర అని సామాజికంగా, ఆర్థికంగా, రాజకీయంగా, సాంకేతికంగా అభివృద్ధి చెందడానికి విద్య దోహదపడుతుందన్నారు. ఈ కార్యక్రమంలో కోదాడ మిత్రబృందం సభ్యులు గంధం జానీ, కాంపాటి శ్రీను, పిడతల శ్రీను, గంధం శ్రీను, గంధం రామకృష్ణ, షమీ, ఖాజా గౌడ్, గంధం శ్రీనివాస్, పాలడుగు సంజీవ్, కారుమంచి శ్రీనివాసరావు, డేగల విజయ్, గజ్జి మస్తాన్, రెడ్డి తదితరులు పాల్గొన్నారు.