మునిపల్లి, జూలై 21, జనంసాక్షి : టీఎస్టీపీసీ చైర్మన్ గా బాధ్యతలు స్వీకరించిన మఠం బిక్షపతి స్వామికి మార్కెట్ కమిటీ డైరెక్టర్ శ్రీనివాస్ గొర్రెపిల్ల, గొంగడితో ఘనంగా సన్మానం చేశారు. గురువారం నాడు తన కార్యాలయంలో జరిగిన స్టేట్ ట్రేడ్ ప్రమోషన్ కార్పొరేషన్ చైర్మన్ గా పదవి ప్రమాణ స్వీకార మహోత్సవంలో పాల్గొన్నారు. మండలంలోని చీలపల్లి గ్రామానికి చెందిన కురుమ సంఘం జిల్లా నాయకులు శ్రీనివాస్ డోలు చప్పుల్ల నడుమ మఠం బిక్షపతి స్వామికి గొర్రెపిల్ల, గొంగడితో ఘనంగా సన్మానం చేశారు. తన నియోజకవర్గం నుంచి సామాన్య కార్యకర్తగా పనిచేసిన బిక్షపతి స్వామికి నేడు రాష్ట్ర స్థాయి కార్పొరేషన్ చైర్మన్ పదవి చేపట్టడం తమకు గర్వంగా ఉందని తెలిపారు. అయితే డోలు చెప్పుల్ల మధ్య గొర్రెపిల్ల, గొంగడితో చేసే సన్మాన ఘట్టం కార్యక్రమంలో ప్రత్యేక ఆకర్షణగా నిలిచింది. ఈ కార్యక్రమంలో కురుమ సంఘం నాయకులు పెద్ద ఎత్తున పాల్గొని బిక్షపతి స్వామిని సన్మానించారు.