అశ్వారావుపేట, ఆగష్టు 7( జనం సాక్షి)
ప్రపంచ తల్లిపాల వారోత్సవాల్లో భాగంగా ఐసిడిఎస్ ఆధ్వర్యంలో అశ్వారావుపేట మండలంలోని అంగన్వాడి సెంటర్లలో తల్లిపాల వారోత్సవాల కార్యక్రమాల్లో ఘనంగా నిర్వహిస్తున్నారు. తల్లి బిడ్డ క్షేమం కోసం తల్లిపాలు బిడ్డకు పట్టించడం ద్వారా అనేక లాభాలు ఉన్నాయని, వ్యాధి నిరోధక శక్తిని పెంచి జబ్బులు రాకుండా కాపాడుకోగలమని సూపర్వైజర్ స్వరాజ్యం తల్లులకు సూచించారు. సోమవారం నాడు ఆసుపాక సెక్టర్ పరిధి వినాయకపురంలో అంగన్వాడి సెంటర్లు లలో తల్లిపాల వారోత్సవాలు కార్యక్రమాలు ఘనంగా నిర్వహించారు. గర్భవతులకు సీమంతాలు నిర్వహించారు. అనంతరం తల్లిపాలు ప్రాముఖ్యతను గురించి వివరించారు. ఈ కార్యక్రమంలో ఎంపీటీసీ మారుతి లలిత, సర్పంచ్ పోడియం సత్యవతి, అంగన్వాడి టీచర్లు ఎం ముత్తమ్మ, వెంకటరమణ డి సుజాత, జి వరాలమ్మ, ఎస్ సుజాత, ఏ అక్కమ్మ తల్లులు, పిల్లలు, ఆశా కార్యకర్త లు దయామని, కె చంద్రావతి తదితరులు పాల్గొన్నారు.