నర్సింహులపేట ఆగస్టు 9 (జనం సాక్షి)

బోనాల పండుగను పురస్కరించుకొని కొమ్ములవంచ గ్రామానికి చెందిన విశ్వబ్రాహ్మణులు మొదటగా సామూహికంగా బోనాలతో బయలుదేరి ముత్యాలమ్మ ఆలయం వద్దకు చేరుకొని, అమ్మవారికి అభిషేకాదులు నిర్వహించి,పసుపు కుంకుమలతో అమ్మవారిని అలంకరించి,పట్టు వస్త్రములు కట్టి ఆనవాయితీగా ముత్యాలమ్మకు బోనాలు చెల్లించి,ధూప దీప నైవేద్యాలు సమర్పించితమను తమ గ్రామ ప్రజలను చల్లగా చూడాలని భక్తి శ్రద్ధలతో ముత్యాలమ్మ తల్లిని వేడుకున్నారు. కార్యక్రమంలో గ్రామ సర్పంచ్ దాస్ రోజు వెంకటేశ్వర్లు, వీరాచారి,సుభాస్ చారి,సత్యనారాయణ చారి,దేవేంద్ర చారి, వెంకటేశ్వర్లు, మోతుకూరి శ్రీనివాస్, వేణుగోపాల చారి, రామాచారి,పొడ కంటి రామాచారి, ప్రవీణ్ కుమార్,రాజశేఖర్, శ్రవణ్ కుమార్ తదితరులు పాల్గొన్నారు.