అశ్వారావుపేట, సెప్టెంబర్ 27(జనంసాక్షి )

అశ్వారావుపేటలోని శ్రీ వాసవి కన్యకాపరమేశ్వరి దేవస్థానం వద్ద 47వ దేవి శరన్న వరాత్రి ఉత్సవాలలో భాగంగా మంగళవారం అమ్మవారు భక్తులకు మాంగళ్య గౌరీ దేవి అలంకరణలో భక్తులకు దర్శనమిచ్చారు. అదే విధంగా శరన్నవరాత్రి ఉత్సవాలను పురష్కరించుకొని అమ్మవారికి తెల్లవారు జామునుండి వేదమంత్రాల నడుమ ఘనంగా పూజా కార్యక్రమాలు జరిపారు. ఈ కార్యక్రమంలో అనేక మంది భక్తులు పాల్గొని అమ్మవారిని దర్శించుకొని పూజా కార్యక్రమాలు నిర్వహించారు. అదే విధంగా స్థానిక జంగారెడ్డిగూడెం రోడ్లోని కనకదుర్గమ్మ ఆలయం, శిరిడిసాయిబాబా దేవాలయం, డ్రైవర్స్ కాలనీ, గుర్రాలచెర్వు సమీపంలో స్వయంభుగా వెలసిన కనకదుర్గమ్మ ఆలయం వద్ద, రామాలయం వద్ద దేవీ శరన్నవరాత్రి ఉత్సవాలు అత్యంత
వైభవోపేతంగా జరుగుతున్నాయి. సాయంత్రం ఆయా మండపాల వద్ద బతుకమ్మ ఆటపాటలు ఆడారు