వేములవాడ రూరల్, ఆగస్టు 8 (జనంసాక్షి): వారం రోజులుగా ప్రాథమిక స్థాయి ఉపాధ్యాయుల తొలి మెట్టు శిక్షణ కార్యక్రమం మంగళవారం ముగిసింది. వేములవాడ గ్రామీణ మండలం జడ్పీహెచ్ఎస్ హనుమాజీపేటలో రెండు రోజుల శిక్షణలో భాగంగా ఆంగ్ల సబ్జెక్టు పై మంగళవారం శిక్షణ అందించారు. తెలుగు, ఆంగ్లం, గణితం సబ్జెక్టు వారీగా ఉపాధ్యాయులకు ఆర్.పిలు మెలకువలు వివరించారు. పాఠ్య ప్రణాళిక ప్రకారం విద్యా బోధన చేస్తూ విద్యార్థులలో కనీస సామర్థ్యాలు సాధించేలా చూడాలని ఎఫ్ ఎల్ ఎన్ కోర్స్ డైరెక్టర్ మధుకర్ సూచించారు. ఈ కార్యక్రమంలో పాఠశాల కాంప్లెక్స్ ప్రధానోపాధ్యాయులు చిలుముల ప్రమీల, ఉమారాణి, ఆర్పీలు మాడిశెట్టి మహేష్, బిల్లా శ్రీకాంత్, సిఆర్పిలు రాజు, ఆకుల శ్రీనివాస్, నగేష్, ప్రాథమిక స్థాయి ఉపాధ్యాయిని ఉపాధ్యాయులు పాల్గొన్నారు.