మునగాల, సెప్టెంబర్30(జనంసాక్షి): మునగాల మండల కేంద్రంలో కనకదుర్గమ్మ పండుగ శుక్రవారం అంగరంగ వైభవంగా జరిగింది. భక్తులు గురువారం సాయంత్రం నాలుగు గంటల నుండి ప్రభ బండ్లు సిద్ధం చేసుకుని దుర్గామాత ఊరేగింపు ఉత్సవ కమిటీ ఆధ్వర్యంలో ఏర్పాటుచేసిన దుర్గామాత విగ్రహాన్ని పురవీధుల్లో ఊరేగింపుగా బయలుదేరి శుక్రవారం మధ్యాహ్నం 11గంటలకు గుడిలోకి ప్రవేశించి, ఆ తర్వాత ఊరు జనమంతా కోళ్ళు, మేకలుతో చెట్ల కిందికి (వనమాసానికి) బయలుదేరినారు. దుర్గామాత దయతో ప్రజలంతా సుభిక్షంగా ఉండాలని ఉత్సవ కమిటీ సభ్యులు అన్నారు. ఈ కార్యక్రమంలో ప్రజలు, భక్తులు అధిక సంఖ్యలో పాల్గొని తీర్థప్రసాదాలు స్వీకరించినారు.