యాచారం మండల టిఆర్ఎస్ ప్రధాన కార్యదర్శి పాశ్చ భాష

రంగారెడ్డి/ఇబ్రహీంపట్నం, అక్టోబర్ 13 (జనంసాక్షి):-మునుగోడు ఉప ఎన్నికల్లో టిఆర్ఎస్ అభ్యర్థి కూసుకుంట్ల ప్రభాకర్ రెడ్డి భారీ మెజారిటీతో విజయం సాధించడం ఖాయమని యాచారం మండల టిఆర్ఎస్ ప్రధాన కార్యదర్శి పాశ్చ భాష అన్నారు. గురువారం పాశ్చ భాష ఇతర టిఆర్ఎస్ నాయకులు మునుగోడు ఉప ఎన్నికల్లో టిఆర్ఎస్ అభ్యర్థి కూసుకుంట్ల ప్రభాకర్ రెడ్డికి ఓటు వేయాలని కోరుతూ విస్తృతంగా ప్రచారం నిర్వహించారు. భాష మాట్లాడుతూ.. రాష్ట్రం ఏర్పడ్డాక సీఎం కేసీఆర్ అన్ని వర్గాల ప్రజల సంక్షేమమై ప్రజా సంక్షేమ పథకాలు అమలు చేస్తున్నారని టిఆర్ఎస్ ప్రభుత్వం అమలు చేస్తున్న సంక్షేమ పథకాలు ప్రజల్లో అత్యంత జనాదరణ పొందుతున్నాయని అన్నారు. అభివృద్ధి, ప్రభుత్వ సంక్షేమ ఫలాలు ప్రజల్లోకి తీసుకెల్లి వివరించడంతోపాటు ప్రజా వ్యతిరేక విధానాల పట్ల కేంద్ర ప్రభుత్వం అనుసరిస్తున్న తీరును ప్రజల్లో విస్తృతంగా అవగాహన కల్పిస్తున్నామని అన్నారు. మునుగోడు ప్రజలు ప్రజా సంక్షేమ పథకాలను దృష్టిలో ఉంచుకొని తెరాస వైపే ఉన్నారని టీఆర్ఎస్ అభ్యర్థి గెలుపు ఖాయమని భాష అన్నారు. కార్యక్రమంలో తెరాస నేతలు మక్కపల్లి శ్రీనివాస్, డేరంగుల శంకర్ ఇతరులున్నారు.