కుల్కచర్ల, అక్టోబర్ 2(జనం సాక్షి):

కుల్కచర్ల మండల కేంద్రంలో మైత్రి యువజన సంఘం ఆధ్వర్యంలో ఆదివారం క్రికెట్ టోర్నమెంట్ ను బిజెపి రాష్ట్ర కార్యవర్గ సభ్యులు కరణం ప్రహ్లాద్ రావు, కాంగ్రెస్ జిల్లా ఉపాధ్యక్షులు బొలుసని భీమ్ రెడ్డి, గ్రామ సర్పంచ్ సౌమ్య వెంకట్ రామ్ రెడ్డి, టిఆర్ఎస్ మండల అధ్యక్షులు శేరి రాంరెడ్డి, స్థానిక ఎస్ఐ గిరి క్రీడాకారులను పరిచయం చేసుకుని ప్రారంభించారు.ఈ సందర్భంగా వివిధ పార్టీల నాయకులు మాట్లాడుతూ..గ్రామీణ స్థాయి క్రీడల్లో మంచి నైపుణ్యం కనబరిచి జిల్లా, రాష్ట్రస్థాయిలో ఉత్తమ ప్రతిభ కనబరిచి మండలానికి మంచి పేరు తీసుకురావాలన్నారు.క్రీడలు శరీర ధారుడ్య పరంగా కూడా దోహదపడతాయన్నారు.క్రీడలు అనేవి వివిధ గ్రామాల మధ్య స్నేహ సంబంధాలు మెరుగుపడతాయన్నారు.

ఈ టోర్నమెంట్లో దాదాపుగా 40 టీమ్స్ పాల్గొనడం జరిగిందని తెలిపారు.ఈ కార్యక్రమంలో బిజెపి మండల పార్టీ అధ్యక్షులు గాదె మహిపాల్ ముదిరాజ్, బిజెపి సీనియర్ నాయకులు కాటన్ పల్లి ఆంజనేయులు, కాంగ్రెస్ యువ నాయకులు కుమ్మరి స్వామి, ఓబీసీ మోర్చ మండల అధ్యక్షులు గుడాల వెంకటేష్, ఈ కార్యక్రమం నిర్వాహకులు గాదె వెంకటేష్, గుడాల రమేష్, పాలేపల్లి వెంకటయ్య,జెల్ల బాలు రాజ్, ఉటువల్లి మహిపాల్, ఆంజనేయులు తదితరులు పాల్గొన్నారు.