నిజామాబాద్‌,జూలై28(జ‌నం సాక్షి): ఓ యువకుడిని దారుణంగా హత్య చేయడమే గాకుండా గుర్తుపట్టకుండా నది ఒడ్డులో పాతరేశారు. ఈ ఘటన జిల్లాలోని కోటగిరి మండలం కోడిచర్ల గ్రామ శివారులో చోటు చేసుకుంది. గ్రామానికి చెందిన యువకుడు రాజ్‌కుమార్‌ను గుర్తు తెలియని దుండగులు హత్య చేసి మంజిరా నదిలో పాతిపెట్టారు. ఉదయం అటుగా వెళ్లిన పశువుల కాపరికి కుక్కులు శవాన్ని తవ్వుతుండటం గమనించి గ్రామస్థులకు, పోలీసులకు సమాచారం అందించాడు. ఘటనా స్థలానికి చేసుకున్న పోలీసులుశవాన్ని వెలికి తీసి పోస్టుమార్టం నిమిత్తం ఆస్పత్రికి తరలించారు. మృతుడి కుటుంబ సభ్యుల ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు.