-ఘన  సన్మానం

-శ్రీ సీతారామ శివాంజనేయ దేవాలయంలో  సన్మానం

సంగారెడ్డి బ్యూరో ,  జనం సాక్షి  , జూలై 22:తెలంగాణ రాష్ట్ర ట్రేడ్ ప్రమోషన్ కార్పొరేషన్ చైర్మన్  మఠం బిక్షపతి సంగారెడ్డి మున్సిపాలిటీ ఏరియాలోని ఫేస్ వన్ శివాంజనేయ స్వాముల దేవాలయంలో కమిటీ ఆధ్వర్యంలో  హౌసింగ్ బోర్డ్ కాలనీలో గల శ్రీ సీతారామ శివ ఆంజనేయ స్వాముల దేవాలయంలో  ఆలయ కమిటీ ఆధ్వర్యంలో ఘనంగా సన్మానించారు. శనివారం శ్రీ సీతారామ శివ ఆంజనేయ ఆలయంలో ఆలయ గౌరవాధ్యక్షులు విజయేందర్ రెడ్డి, అధ్యక్షులు రామప్ప లు బిక్షపతికి పూలమాల, శాలువాలతో  సన్మానించారు. అనంతరం హౌసింగ్ బోర్డ్ కాలనీలోని  నాయకులు, వీరశైవ లింగాయత్ నాయకులు బిక్షపతిని పూలమాలలతో, శాలువాలతో  సన్మానించారు.ఈ సందర్భంగా విజయేందర్ రెడ్డి మాట్లాడుతూ మా సహోదరుడు మట్టం  బిక్షపతికి రాష్ట్ర ట్రేడ్ ప్రమోషన్ కార్పొరేషన్ చైర్మన్  పదవి రావడం చాలా సంతోషంగా ఉందన్నారు. ఎవరైనా రాజకీయాలలో ఎదగాలంటే ఓపిక సహనం చాలా ఉండాలని దానికి మఠం  బిక్షపతి ఉదాహరణ అన్నారు. ఆయన ప్రజలకు అందుబాటులో ఉండి సేవలు అందించగలరని ఆయన ఆశాభావం వ్యక్తం చేశారు.అనంతరం  మఠం బిక్షపతి మాట్లాడుతూ తనపై నమ్మకం ఉంచి ఈ బాధ్యతలను అప్పగించిన  ముఖ్యమంత్రి కేసీఆర్ కు కృతజ్ఞతలు తెలుపుతున్నానని, అలాగే మంత్రి కేటీఆర్, ఎమ్మెల్సీ కవిత, మంత్రి హరీష్ రావులకు ధన్యవాదాలు తెలుపుతున్నాను అన్నారు. తాను అట్టడుగు స్థాయి నుంచి అంచలంచలుగా ఎదుగుతున్నానని, ప్రజల ఇబ్బందులు ఇలా ఉంటాయో తనకు తెలుసునన్నారు. తన దృష్టికి వచ్చిన ప్రతి సమస్యను తను పరిధికి లోబడి సమస్యలను తీర్చేందుకు ఎల్లప్పుడు సిద్ధంగా ఉంటానన్నారు. తనపై నమ్మకం ఉంచి ముఖ్యమంత్రి  తనకు అప్పగించిన బాధ్యతలను సక్రమంగా నిర్వహిస్తానని,  బి ఆర్ ఎస్  పార్టీ అభివృద్ధికి తాను శాయశక్తుల కృషి చేస్తానన్నారు.ఈ కార్యక్రమంలో  వీరశైవ లింగాయత్ నాయకులు  బసవరాజ్ , సులగంటి సిద్దేశ్వర్ , బాబురావు,  బక్కప్ప,  అశోక్ బాబు,  విశ్వేశ్వర్, శ్రీనివాస్,  బుచ్చిలింగం , శివానందం , వాందేవరావ్ , నవీన్ కుమార్, సిద్దయ్య స్వామి, ఈశ్వరయ్య,,  రాణి, శైలజ,   మల్లప్ప, పూజారి విజయ్ కుమార్,  మాచర్ల సతీష్ కుమార్,   తదితరులు పెద్ద ఎత్తున పాల్గొన్నారు.