రుద్రంగి సెప్టెంబర్ 12 (జనం సాక్షి)
రుద్రంగి మండలకేంద్రనికి చెందిన రిటైర్డ్ హెడ్ మాస్టర్ మర్రిపెళ్లి అంతయ్య తన కుటుంభంతో పాటు గత వారం రోజుల క్రితం హైదరాబాద్ వెళ్ళాడు.అదే అనువుగా చూసిన దొంగలు అంతయ్య ఇంటి తాళం పగలగొట్టి ఇంట్లోని బీరువా ఓపెన్ చేసి డబ్బు నగదు దొంగిలించారు.
అయితే ఇంటి తలుపులు తెరిచి ఉండడం గమనించిన చుట్టుపక్కల వాళ్ళు అంతయ్య ఇంట్లోకి వెళ్లి చూసే సరికి తాళం పగలగొట్టి ఉంది. బీరువా అందులోని సామాను చిందరవందరగా పడి ఉండడం గమనించిన స్థానికులు అంతయ్యకు ఫోన్ ద్వారా దొంగలు పడ్డ విషయాన్ని చెప్పారు.అలాగే పోలీసులకు సమాచారం అందించారు.
హైదరాబాద్ నుండి అంతయ్య వచ్చి పోలీసులకు పోగొట్టుకున్న నగదు బంగారం వివరాలు తెలిపారు.ఈ సంఘటనపై కేసు నమోదు చేసుకొని దర్యాప్తు చేస్తున్నట్టు పోలీసులు తెలిపారు.