రైతులకు సబ్సిడీ పల్లి వెంటనే అందించాలి
కాంగ్రెస్ పార్టీ మండల అధ్యక్షులు బిఎస్ ఆంజనేయులు ముదిరాజ్
కుల్కచర్ల, సెప్టెంబర్ 27(జనం సాక్షి): రైతులకు సబ్సిడీ పల్లి వెంటనే అందించాలని కాంగ్రెస్ పార్టీ మండల అధ్యక్షులు బిఎస్ ఆంజనేయులు ముదిరాజ్ కోరారు.మంగళవారం కుల్కచర్ల మండల పరిధిలోని ముజాహిద్ పూర్ గ్రామంలో రైతులు యాసంగి పల్లి కోసం చదును చేసిన పొలాన్ని పరిశీలించారు.ఈ సందర్భంగా ఆయన మాట్లాడుతూ..సబ్సిడీ పల్లి కొరకు ఎదురుచూస్తు రైతుల కండ్లు కాయలు కాయడం జరుగుతుంది.ఉత్తెర కార్తి పాయె,యాసంగి పల్లి వేసే దినం వచ్చే ఇప్పటివరకు సబ్సిడీ విత్తనాలు అందజేయని ప్రభుత్వం అని దుయ్యబట్టారు.బంగారు తెలంగాణలో ఉచిత ఎరువులు అంటివి, ఉచిత విత్తనాలు అంటివి రైతన్నల జీవితాలు బంగారం అంటివి ఏమాయే దొర, లక్ష రూపాయల రుణమాఫీ అంటివి, మా జీవితాలతో చెలగాటం ఆడుకోకండి,
కనీసం మాకు ఇచ్చే సబ్సిడీ విత్తనాలు ఇవ్వండి అని ఆగ్రహం వ్యక్తం చేశారు.ఈ
కార్యక్రమంలో తులసి రామ్ నాయక్,గుండాబాలకృష్ణయ్య, సోమలింగం, శ్యామ్, రైతులు తదితరులు పాల్గొన్నారు.
Attachments area
