చేర్యాల (జనంసాక్షి) ఆగస్టు 22 : రోడ్డు ప్రమాదంలో తల్లీ కొడుకు మృతి చెందిన సంఘటన చేర్యాల పట్టణ శివారులోని బురాన్ మియా తోట ప్రాంతంలో ఆదివారం రాత్రి చోటుచేసుకుంది. స్థానికులు తెలిపిన వివరాల ప్రకారం.. కూటిగల్ గ్రామానికి చెందిన సిరిమల్ల వసంత (45), సిరిమల్ల రాకేష్ (22) లు ద్విచక్ర వాహనంపై చేర్యాల వైపు వెళ్తుండగా ట్రాక్టర్ కేజీవిల్స్ ఢీకొని అక్కడికక్కడే దుర్మరణం చెందారు. ఘటనా స్థలానికి చేర్యాల సీ.ఐ మంచినీళ్ల శ్రీనివాస్, ఎస్.ఐ భాస్కర్ రెడ్డి చేరుకుని కేసు నమోదు చేసి దర్యాప్తు చేస్తున్నారు.