కోదాడ, అక్టోబర్ 1(జనం సాక్షి)

కోదాడ పట్టణంలో వేంచేసియున్న శ్రీ మద్విరాట్ పోతులూరి వీరబ్రహ్మేంద్రస్వామి దేవాలయంలో దేవీ నవరాత్రుల ఉత్సవాలు ఆలయ కమిటీ సభ్యులు కనుల పండుగగా నిర్వహిస్తున్నారు. కాగా శనివారం అమ్మవారు లలితా పరమేశ్వరి దేవి  రూపంలో భక్తులకు దర్శనమిచ్చారు. మహిళలు పెద్ద సంఖ్యలో పాల్గొని అమ్మవారిని దర్శించుకొని ఆలయ ప్రాంగణంలో కుంకుమ పూజలు నిర్వహించారు. అనంతరం దాతల సహకారంతో ఏర్పాటు చేసిన అన్నదానా కార్యక్రమాన్ని ఆలయ కమిటీ అధ్యక్షులు జూకూరి అంజయ్య చేతుల మీదుగా ప్రారంభించారు ఈ కార్యక్రమంలో సెక్రటరీ కోట తిరుపతయ్య, కమిటీ సభ్యులు దేవరశెట్టి హనుమంతరావు, బాడిస సత్యం, ఓరుగంటి కృష్ణమూర్తి, బ్యాటరీ చారి, లక్ష్మీనారాయణ రెడ్డి, వీరేపల్లి రామారావు, రాణా ప్రతాప్ తదితరులు పాల్గొన్నారు.