వాల్మీకి మహర్షి బోధనలు నేటి సమాజానికి మార్గనిర్దేశనం
ఘనంగా వాల్మీకి మహర్షి జయంతి వేడుకలు
జిల్లా కలెక్టర్ టి.వినయ్ కృష్ణా రెడ్డి
నల్గొండ బ్యూరో, జనం సాక్షి
శ్రీరాముడి దివ్య చరిత్ర ను సంపూర్ణ మానవాళికి పరిచయం చేసిన ఆది కవి వాల్మీకి మహర్షి బోధనలు నేటి సమాజానికి మార్గనిర్దేశనం అని జిల్లా కలెక్టర్ టి.వినయ్ కృష్ణా రెడ్డి అన్నారు.
ఆదివారం బీసీ సంక్షేమ శాఖ ఆధ్వర్యంలో కలెక్టరేట్ సమావేశ మందిరంలో ఆది కవి వాల్మీకి మహర్షి జయంతి సందర్భంగా కలెక్టర్,అదనపు కలెక్టర్ భాస్కరరావు తో కలిసి వాల్మీకి చిత్రపటానికి పూలమాలలు వేసి ఘనంగా నివాళులర్పించారు. ఈ సందర్భంగా కలెక్టర్ మాట్లాడుతూ వాల్మీకి బోధనలను ప్రతి ఒక్కరూ ఆదర్శంగా తీసుకోవాలని అన్నారు.
ఈ కార్యక్రమంలో జిల్లా బి.సి.సంక్షేమ అధికారిణి పుష్ప లత, వివిధ శాఖల జిల్లా అధికారులు, తదితరులు పాల్గొన్నారు.
