వేమనపల్లి,అక్టోబర్ 22,(జనంసాక్షి):

వేమనపల్లి మండలం నాగారం గ్రామంలోని ప్రభుత్వ ప్రాథమిక పాఠశాలలో చదువుతున్న విద్యార్థులకు శనివారం రోజు ఏకరూప దుస్తులు పంపిణీ చేశారు.ప్రభుత్వం ఉచితంగా పంపిణీ చేస్తున్న ఏకరూప దుస్తువులను సర్పంచ్ తలండి స్వరూప రాణి,హెడ్ మాస్టర్ తిరుపతి చేతుల మీదుగా అందజేశారు.ఈ సందర్భంగా వారు మాట్లాడుతూ పాఠశాలలోని 28 మంది విద్యార్థిని,విద్యార్థులకు ఒక్కొక్కరికి రెండు జతల చొప్పున 56 దుస్తువులు వచ్చాయన్నారు.చిన్న గ్రామం అయినా కూడా విద్యార్థులు 28నుంచి30 మంది విద్యార్థులు పాఠశాలకు వస్తున్నారని అన్నారు.తెలంగాణ రాష్ట్ర ప్రభుత్వం ప్రభుత్వ పాఠశాల విద్యార్థులకు మధ్యాహ్న భోజనంతో పాటు బట్టలు పంపిణీ చేస్తూ విద్యార్థుల తల్లిదండ్రులకు భారం కాకుండా చేస్తుందన్నారు.