పల్ రెడ్డి ఫౌండేషన్ ఆధ్వర్యంలో ఉచిత గురుకుల పాఠ్య పుస్తకాలు పంపిణీ
తిరుమలగిరి ( సాగర్), అక్టోబరు 11 (జనంసాక్షి):
పల్ రెడ్డి ఫౌండేషన్ ఆధ్వర్యంలో మండలంలోని తిరుమలగిరి, కొంపెల్లి, చిలకాపురం ,రాజవరం, ఎల్లాపురం గ్రామాలలో ని ప్రభుత్వ పాఠశాలలో విద్యను అభ్యసిస్తున్న సుమారు 150 మంది పేద విద్యార్థులకు ఫౌండేషన్ చైర్మన్ పల్ రెడ్డి రామ్ రెడ్డి, డైరెక్టర్ బల్ రెడ్డి నరసింహారెడ్డి ల ఆధ్వర్యంలో ఉచిత గురుకుల పాఠ్యపుస్తకాలను పంపిణీ చేశారు. ఈ సందర్భంగా వారు మాట్లాడుతూ ప్రభుత్వ పాఠశాలల్లో విద్యను అభ్యసిస్తున్న పేద విద్యార్థులకు అండగా ఉంటూ, వారు ఉన్నత శిఖరాలను అధిరోహించేందుకు తమ వంతు సహాయం అందజేస్తామని తెలిపారు. ఈ సందర్భంగా ఫౌండేషన్ సభ్యులను ఆయా పాఠశాలల ఉపాధ్యాయులు, ఎస్ఎంసి చైర్మన్లు అభినందించారు.